(( درب الهوى ))

اذكري ليل الغزل والشوق وحروف القصيد
واذكريني ليا قريتي بيت مكتوبٍ اليك
واذكريني كل مالاحت على الوقت العنيد
دمعة الاشواق وتعلن لك خضوع بين يديك
واذكريني كل ماغنوا على الفرقى نشيد
واذكريني كل ماشعري بدى يوم ابتديك
واذكريني كل مالوح لك الطيف العنيد
واذكريني كل ماغنت لك الطرقا ابيك
واذكريني كل ماتقري حروف لك تحيد
واذكريني كل ليلة طيف اتشكل واجيك
واذكريني كل ماقالت لك اشواقي مزيد
واذكريني كل مارحتي عن اللي مهتويك
واذكريني نزف شاعر غنى للنجم الفريد
غنى .... (يانجمة تعالي كل مافيني يبيك)

من بعد هاك الزمان العذب يانجمة
لميت صمت المكان ومنتظر صوتك

ياطير ياحامل قلوب المحبين
إطلع سما دام الأراضي تحداك
ياطير ليا جيت الغضي داعج العين
قلّه ترى شاعرك محال ينساك
قلّه ترانا من عداد المجانين
نسري مع الساري ليا حل طرياك
ياطير شف درب الهوى طايرٍ وين
رفرف جناحيه غلا كل ماجاك
ياطير ياطير الوفا بين الأثنين
ليا جيت دار صويحبي فل الأشباك
وليا جيت نور العين سيد المزايين
قلّه هني من حصل اليوم لاماك
وقلّه حبيبك يصفق الكف كفين
حيٍ وهو ميت على حزة لقاك
علمتني كيف الهوى قاب قوسين
حتى إكتويت النار من جمرة شفاك
جمرين لكن كنها اليوم تمرين
الّي بهن صف البَرد جمر في فاك
تدرين بأن الموت ساعة تغمزين
وفي غمزتك تقتل حبيبٍ ترجاك
ياأزين من أزين زين بين المزايين
سبحان من سوى جمالك وسواك
وإن كان مابادلتني الود هالحين
خلاص مابي شوفتك خلك هناك
يكفي عليّ الّي جرى منك سنين
وأنا أعيشك ميت وأموت وأحياك

‏إذا شاخ الجسد
في يوم
تلدّ الروح لأحلامي
وأعيد أكتب .. من الآمي
لروح مالقتها روح
خلود الحب يتكون
من اللاشوق والمجروح
تعلّم ترسم أحلامك
على دفتر هواك اليوم
وقل للذي لامك
أنا الواقع
وأنا
المحروم
جسد شايخ .. نسى روحه
وروحه صعب يوم ...
تشيخ

حاضر وتامر كل ما املكه لك
القلب قبل العين تفداك .. وينك؟
صوتك صداه يهدني واعني لك
واجي واحلف العين فدوه لعينك
قلي اذا مو انت منهو مثيلك؟
حتى المراية ماتشابهك زينك
جيتك ضمى والليل شعره بليلك
والشمس تشرق من وصايف جبينك
قلي خليلك ياخليلي خليلك
والا خليلك ياخليله ضنينك؟؟!!

حضورك غير
مساءك خير
ليا من غبت اتغير
وحتي الخير يتغير
اشوفك
في دفا ليلي
خيال ونور
قنديلي
تعال ولملم الميت
حبيب ماعرف
غيرك
ولا ناجى باحساسه
سوى طيرك
ولو مره
بليا شعور
خيال يحمله
عصفور
يقول ايوه يامهاجر
ولا باكر
يجيبك حلم
لو احلم
يجيبك علم
واتلعثم
يدور الامر في راسي
واقول الموت بنعاسي
هلا بك يا اغلى اوناسي
وليلي عيد
يزيده بيد
حبيبي وردة حمرا
ولا ادرا
عن عناقه
واقول اواااه
نعم اواااه
ابحرق كل اوراقي
وعمري كان به
باقي
واقول الـ آآآآآآآه
من اعماقي

على مر الشعور
وضحكة التخمين
قبل تسأل
سؤالك مين
تجيك احروفها عجله
عيون الشوق بها وجله
ولو فيها كثير الشوق
تعيشك في دفاها حروق
من المعشوق
انادي لك
من فراقي ابي ارحل
والى قربك ابي اوصل
واتكلم واتكلم
عن احساسي
عن اللي شدني يمك
لجل قلبي يجي يمك
ولا ضمك
ولو ضمك ب احاسيسه
يانجمة انتي النجمة
مكانك يالغلا
عالي
وانا اللي قلت لك/ انك
ياراس المال
يامالي
نعم انتي
نعم انتي
فقط .. نجمة.